အဖွဲ့အစည်း၏ ရည်ရွယ်ချက်မှာ အစိုးရများနှင့် အာဏာပိုင်အဖွဲ့အစည်းများက နိုင်ငံ၏သယံဇာတအကျိုးအမြတ်များအား အလွဲသုံးစားပြုလုပ်မှုများ၊ အဂတိလိုက်စားမှုများနှင့် စီမံခန့်ခွဲမှုအားနည်းမှုများကြောင့် သယံဇာတပျက်စီးဆုံးရှုံးလေလွင့်မှုများကို ပြည်သူများသိရှိစေရန် မီးမောင်းထိုးတင်ပြရန် ဖြစ်သည်။ ထိုမှတစ်ဆင့် ပြည်သူများအနေဖြင့် နိုင်ငံတော်၏သယံဇာတများနှင့် ပတ်သက်သော စီမံခန့်ခွဲမှုများနှင့် ရပိုင်ခွင့်များကို သိရှိနားလည်နိုင်ရန်နှင့် ရေရှည်တည်တံ့ပြီး စနစ်ကျသော သယံဇာတတူးဖော်ထုတ်လုပ်မှုများဖြစ်လာအောင် ပြည်သူများမှ ဝိုင်းဝန်းထိန်းကျောင်းနိုင်ရန် မျှော်လင့်ပါသည်။
နိုင်ငံတော်၏သယံဇာတအကျိုးအမြတ်များသည် ပြည်သူများ၏ အကျိုးခံစားခွင့်အတွက်သာဖြစ်သည်။ နိုင်ငံတော်၏သယံဇာတအမွေအနှစ်များအား ကာကွယ်ထိန်းသိမ်းစောင့်ရှောက်ရန် နိုင်ငံသားတိုင်းတွင် တာဝန်ရှိသည်။